日日Loop住同一個Mode ，咁嘅生活，認真咩？ WeWa Club 係一個玩樂購物網上平台，搜羅食買玩睇Show旅行優惠體驗，同你一齊衝擊生活每個時刻， 發掘大大小小嘅驚喜！

可享各樣會員專享購物優惠或參加精彩活動。

會員級別主要分兩種：「We系會員」及 「WePlus會員」。唔同級別可以享有唔同驚喜優惠：

只要係現有 WeWa信用卡 ／ 安信信用卡 客戶就可以自動成為WePlus會員，專享更多專屬驚喜！

WeWa Club人人都Join得，就算未係WeWa／安信信用卡卡客戶，一樣可以Join！
只要入嚟網站右上角撳「註冊/登入」，輸入手提電話號碼同電郵，然後再根據指示輸入驗證碼就完成啦！

如果你已經係WeWa信用卡/安信信用卡客戶，你就已經自動成為WeWa Club嘅WePlus會員，直接用電話號碼及一次性手機短訊驗證碼登入就可以即時享盡一系列WeWa Club優惠。
要留意啊~ 如果你嘅手提電話已經畀另一個帳戶使用，你就唔可以再註冊另一個帳戶啦。

註冊成為WeWa Club會員係完全免費，往後亦無須畀任何年費，快啲入嚟註冊啦！ 註冊

當然可以！WeWa Club人人都Join得，只要你有可以接收短訊嘅香港手提電話號碼就無問題！

恭喜你！如果你本身已經係WeWa卡/安信信用卡客戶，你已經係我哋WePlus會員，只要用申請安信信用卡時嘅手提電話號碼就可以直接登入。

當你成功申請咗安信信用卡，WeWa Club會籍會由「We系會員」自動升級為「WePlus會員」。

每個有效嘅手提電話號碼及電郵地址只可登記一個會籍。

請電郵 [email protected] 畀我哋幫你跟進！

WeWa Club唔需要登入密碼，會員以手提電話號碼登入時，系統會發送一次性手機短訊驗證碼到已登記嘅手提電話號碼，供會員登入。

登入後你可以喺右上角搵到自己嘅賬戶資料，可隨時更改你嘅稱呼及聯絡電郵。如要更改你登入嘅手提電話號碼，請電郵 [email protected] 畀我哋。

WeWa Club會籍並無限期亦無會費；如果要終止會籍，請電郵 [email protected] 畀我哋。

喺WeWa Club ，人人都可以用靚價入手生活好物 ，無論係生活用品定電子產品，畀你用小Budget ，買爆驚喜！

i. 點樣訂購產品？
你可以先將想買嘅產品加到「購物車」，完成後喺頁面右上角查看「購物車」，再確認購買產品的詳細資料及數量，然後按「結賬」。你可選擇登入會員或者以訪客身份繼續。填寫完訂單資料及/或送貨資料，選擇付款方式，然後確認訂單，就成功訂購產品啦！

ii. 購物車入面未落單嘅產品可以保留嗎？
呢啲產品將會儲存喺你嘅購物車內一段時間。不過，系統唔會預留購物車入面嘅產品，到你進行付款嘅時候，產品可能會售罄。

iii. 我無註冊做會員，都可以買嘢？
可以，你可以訪客身份結賬。不過某啲優惠產品只限會員購買，快啲免費註冊成為會員啦。

iv. 我可以將個別訂單送去唔同嘅收貨地址？
可以，你可以喺結賬時嘅「送貨資料」頁面上填寫送貨地址。要留意，現時 WeWa Club每張訂單只係提供單一送貨地址，如要將產品送去唔同地方，就要為每個送貨地址各自開一張訂單。

v. 點樣得知訂單已被確認?
當你成功付款後，WeWa Club將會發出訂單確認電郵。訂單資料亦會喺電郵内顯示。

i. WeWa Club有冇提供送貨服務？
部分產品有送貨服務，請參閲個別產品嘅自取/送貨詳情。

ii. 送貨服務係由WeWa Club負責嗎？
送貨服務係由供應商直接透過該供應商嘅職員，或第三方速遞服務提供商，送到客戶提供嘅送貨地址。

iii. 送貨服務需要額外運費嗎？
部分產品需收取額外運費，而有關費用將由供應商或第三方速遞服務提供商直接向客戶收取，請參閲個別產品嘅自取/送貨詳情。

iv. 如選擇送貨，要幾耐先收到產品？
除非另有註明，供應商一般會於接受訂單後3-7個工作天內送貨。

v. 送貨範圍覆蓋全香港嗎？
唔好意思，以下地區暫無提供送貨服務：
離島區，包括南丫島、長洲及坪洲（除馬灣、迪士尼、愉景灣、東涌市中心、機場及梅窩外）任何管制區域(沙頭角禁區及南大嶼部份區域)、有特別路面限制及禁止貨車進入之地區。

i. 領取貨品時要提供乜嘢資料？
客戶須出示由WeWa Club發出嘅換領電郵，職員將掃描換領電郵上嘅QR Code(二維碼)或登記電子優惠券號碼，先可以確認領取或者使用有關服務。如領取酒類產品，須出示身份證明文件以確認客戶年滿18歲。

ii. 購買咗產品後，有冇取貨時限？
取貨時限由購買日起計一個月内到指定地點領取。產品嘅換領地點須根據個別產品嘅自取/送貨詳情。

iii. 如果我唔可以喺限期前到換領地點取貨，咁點算？
請於購買日起計一個月内到指定地點取貨，如有特別原因未能取貨，請電郵俾我哋 [email protected] 再作處理。

i. WeWa Club有邊啲付款方式？
WeWa Club現時接受VISA卡、萬事達卡、銀聯卡。

ii. 付款嘅過程安全嗎？
當然！WeWa Club會盡全力保障客戶的個人資料於付款過程中不被披露和濫用，及盡一切商業努力保護客戶的私隱。詳情請參閲WeWa Club的《私隱政策聲明》。

iii. 點解我用信用卡付款時要輸入驗證密碼?
如果客戶喺付款嘅時候見到系統自動跳出「3D驗證」視窗，代表客戶嘅信用卡銀行已加入「3D驗證」保安服務，例如「Visa驗證™」、「MasterCard SecureCode™」。客戶喺使用信用卡消費時，需要輸入認證密碼先可以完成付款。呢個額外嘅認證流程防止你嘅信用卡喺網上購物時被非法使用，加強保障。

iv. 信用卡3D驗證密碼是什麼？
個人驗證密碼由你喺發卡銀行登記設定。如忘記預設好嘅密碼，請向你嘅發卡銀行查詢。

v. 點先有「安信信用卡專享價」？
「安信信用卡專享價」只適用於持有有效之安信信貸有限公司發出的EarnMORE信用卡或WeWa信用卡之持卡人，持卡人可以更優惠嘅價錢購買產品。

vi. 享有「安信信用卡專享價」同時，係咪可以賺埋現金回贈？係咪仲可以計算新卡嘅迎新簽賬要求？
可以。

i. WeWa Club 提供退款或換貨服務嗎?
除非另有註明，WeWa Club概不接受退貨或換貨。客戶須於領取產品或收到貨品當日即時檢查產品，如發現任何損毀情況，必須立即進行更換。

細至興趣班、Workshop、旅行套票，至大堆頭嘅睇戲睇show睇concert，WeWa Club同你由細玩到大，人人焫著玩嘢Mode！

「We玩」嘅活動分會員限定及非會員都可以參加嘅活動。大部分有人數限制活動都只會開放畀WeWa Club會員報名參與，WePlus會員更有機會搶先報名！

所有活動一經報名及繳付有關費用係不獲退款。請根據個別活動入面嘅條款及指示通知相關單位。

免費登記成為WeWa Club會員，就可以賺取一系列會員福利！仲有一系列WePlus會員專享優惠，俾你精明賺盡信用卡獎賞！